شرح مفصل وتحميل الإصدار الاخير من اسطوانة التعريفات الشاملة لكل الاجهزة DriverPack 17.3.1

صورة mr elhlawany mr elhlawany21 فبراير,2016
0

logo شرح مفصل ألإصدار الاخير من اسطوانة التعريفات الشاملة لكل الاجهزة DriverPack 17.3.1 

تحميل وشرح إسطوانة التعريفات 17.3.1 الروسية

الاصدار النهائي من اسطوانة التعريفات التي تضم كل تعريفات جميع الاجهزه والداعمة لويندوز 10 . مما لاشك فية ان فالسنوات الاخيرة بداء الجميع يلاحظ ارتفاع حجم الاسطوانة بشكل يعجز البعض عن تحميلة لكن بالفعل الاسطوانة تستحق ويرجع ارتفاع الحجم الي اصدار انظمة تشغيل جديده من مايكروسوفت ويندوز مما يضطر المصدر الي اضافة  التعريفات الجديده لهذه الانظمة مضافة الي توافقات الاصدارات القديمة مثل xp -7  لكن دائما ما تأتي الاسطوانة العملاقة بحلول كثيرة لاغلب التعريفات التي يعجز عنها الكثير خصوصا وانها تمتلك ميزه العمل اوف لاين مما يسهل علينا تعريف كل برامج التشغيل في وضع عدم اتصال بالانترنت كما سنلاحظ تواجد بعض التعريفات بها لم تقم مواقع رسمية بتوفيرها لمستخدمي اجهزتها مما يساعد علي تكامل العمل علي الاجهزة .

DriverPack 17.3.1 Full

شرح مفصل  بالصوت والصوره للإسطوانة يضم التالي :

  • شرح اصلاح اللغة في اسطوانة درايف بيك 17.1
    شرح استعمال اسطوانة التعريفات بالطريقة السليمة DriverPack 17.3.1
    وضع اسطوانة التعريفات علي الفلاش ميموري DriverPack 17.3.1
    كيفة التعرف علي نوعية التعريف 

فيديو الشرح 

بينات الاسطوانة

  • يدعم 2-bit and 64-bit versions
  • الدعم والتوافق Windows 10/ 8.1/ 8/ 7/ Vista/ XP
  • اللغة : روسية سيتم شرح فيديو للتعامل مع الاسطوانة
  • اسم الملف اثناء التحميل DRP17-3.1-mrelhlawany.com
  • الحجم : 11.7 GB
  • مميزات الاصدار الجديد من الاسطوانة :
  • التوافق مع ويندوز 10 بتعريفاتة
  • ضمت كل تحديثات الكروت والقطع  لعام 2015-2016
  • تحديث كل برامج التشغيل وبرامج الويندوز
صورة mr elhlawany mr elhlawany21 فبراير,2016
0
صورة mr elhlawany

mr elhlawany

باسم الحلواني : عربي الهوية مصري الجنسية /اعمل في مجال الانترنت و الكمبيوتر لهدف واحد ووحيد وهو مساعدة كل عربي مبتدئ وتأهيله للإعتماد علي نفسه بعد الله عز وجل وأرجو منكم مساعدتي في تحقيق الهدف بأن تكونو في عون بعضكم البعض كعرب دون النظر للجنسية أو الدين أو العرق .

تعليق واحد

  1. بعد إذنك الصوت مش شغال عندى و عامل علامة x لونها احمر http://store2.up-00.com/2017-01/1483599648151.jpg
    دخلت ل Device Manager لقيت ان كارت الصوت مش متعرف و لما اعمل Update Online مبيعملش أي أثر
    http://store2.up-00.com/2017-01/1483599648212.jpg
    كنت هحمل الأسطوانة لكن لقيت حجمها كبير جداً + انى محتاج الصوت ضرورى و الأسطوانة لو حملتها هتاخد منى أيام كتيرة
    فلو سمحت لو تعرف تحاول تجيبلى تعريف لكارت الصوت ده أكون شاكر جداً
    جربت برامج كتير لتنزيل التعريفات و كدة اشهرهم Driver Navigator – IObit Driver Booster
    لكن للأسف الاتنين معملوش حاجة بردو

        1. الصوره لاتثمن ولاتغني من جوع والسبب انك مش محدد Hardware Ids راجع الصوره ثانيا
          اكتب رد فيه كل التفاصيل كامله النواع والنواع ومودل الاب بالكامل – لاني ولازم تعزروني انت بتكتب تعليق واحد وانا برد علي الالاف مستحيل افتكر كان ايه مشكلتك من الاساس لكني افتكرتك وطلبت منك وفاكر نوع الاب والمودل كامل

  3. السلام علكم و رحمة الله
    يا أستاذ باسم
    انا نزلت ويندوز 10 علي جهازي و بعد ما نزلتو لقيت الازرار بتاعة سطوع الشاشة ما شغالة ، دخلت في ال device manager و لقيت Microsoft basic display adapter ما مفعل ، عملت تحيث اوتوماتيك و نجح و حاليا مكتوب انو مفعل بس لسة ما قادر اتحكم في سطوع الشاشة ، وشكرا جزيلا مقدما

    1. الامر ده راجع لكارت الشاشه عندك لو عملت تثبيت للتعريف مايكروسوفت لازم الاول تعمل ريستارت قبل مانتاكد ان في مشكله – ولو بعد الريستارت متحلتش راجع ازار الكيبورد اخي لرفع وخفض الاضائه لو شغاله يبقي مشكله بسيطه انك مش عارف توصل لازرار الاضائه في السيستم فقط

    1. حملت التورنت اللي من الموقع الرسمي ولقيتها ناقصه ملف exe iمتاكد ان النسخه تمت تحميلها بالكامل في التورنت ؟؟ وياريت تتعب وترفعلي صوره من داخل الاسطوانه بعد ماتعملها قرص وهمي وقولي حملت الاصدار كام ومتخفش هحلهالك

      1. ايوه يا استاذ باسم متأكد انها اتحملت بالكامل لان الحجم الاجمالى للاسطوانه قبل التحميل هو نفس الحجم بعد التحميل
        حملت الاصدار 17.3.3
        بسي للاسف انا بعد ما حملتها بصيغة ايزو فكيت الضغط عنها وحذفت ملف الايزو علشان تشتغل معايه بصوره تلقائيه من غير اي برامج
        وحاولت استرجع ملف الايزو ده بكافة الطرق وللاسف مقدرتش
        وانا بصراحه مش عارف ارفعلك صوره ازاي علي الموقع ؟

        1. طيب حبيبي اكتبلي الاصدار وانا هحملو واديك ملف التشغيل ولايهم يخربيت اللي يزعلك متقلقش انا هرفعلك الملف الناقص انت محملها تورنت يبقي رسمي

        4. مشتغلتشي برضه ودي النتيجه
          http://www.4shared.com/download/nqlTWV-Eba?lgfp=3000&dsid=fqbwab.72c980c2ad46eab215ed195ee3496657&sbsr=6784bc74bb82cd491ee3b7701dfee3e796d&usbsr=935c594091eee00ccb533432264ad8fc96d

          تقريبا ناقصه ملف تاني علي ما اعتقد ملف الاوتورن اللي هو ده
          http://www.4shared.com/download/mBmJtpSxba?lgfp=3000&dsid=fqbwab.9e64b5d0a96ed627b69756b891a77279&sbsr=7fbae2d29a484516b1279d92b3e9f7c696d&usbsr=a18612813f495e38c7c393ac356e5f9696d

        5. خلي بالك في ناس هتفكر ان المشكله اللي عندك دي لانك حملت من الاكاديمية بس هعمل ايه عموما هرفعلك مجموعه ملفات اخري واعملها لصق

        6. حضرتك انا موضح في اول تعليق ليه اني محمل الاسطوانه من الموقع الرسمى .. والموضوع ملوش علاقه بالاكاديميه اطلاقا
          وانا في انتظار حضرتك
          معلشي حتعبك معايه

        8. اشتغلت يا استاذ باسم وكله تمام
          اشكرك يا معلمي الفاضل منك ديما بنستفيد وبنتعلم
          ربنا يجعله في ميزان حسناتك وبالتوفيق ديما

  10. لو سمحت يا استاز باسم انا عندي الاصدار رقم 14 من الاسطوانه .. هل احذفه واحمل الاصدار الاخير ولا اكتفي باللي عندي .. وايه الفرق بين الاصدارين .. وانهي الافضل ؟

  12. استاذ باسم بعد اذنك انا كرهت ويندوز 10 ممكن تساعدني في مشكلة تعريف كارت الشاشه اللي تم تعريفه بالفعل لاخر اصدار وهذا مثبوت في update driver _ device manager
    المشكله انه رغم انه متعرف لا تقرأه الالعاب مطلقا وجميع الالعاب كذلك
    وايضا حينما ادخل علي تعريف الكارت من display adapter properties اللتي هي من خلال ضغط كليك يمين والددخول علي روزليشن الشاشه
    تجد الكارت غير معرف والقيم 0 صفر
    ارجو الاهتمام لان المشكله شائعه في ويندوز 10 ولها حلول عاليوتيوب ولكن بعد التجربه تكون النتيجه علي راي حضرتك (بلح) وانا واثق ان معندكش بلح عشان كده منتظر رأيك في المشكله وشكرا

    1. مهو كلامي بيزعلكم انا عانيت من الرد علي مشاكل الالعاب في ويندوز10 وقبلو 8 لكن هقولك محاوله تعملها بالدخول للبايوس والوصول لخيار الفيديو ميموري ورفعه لو متاح عندك وياريت تشو انت عندك كارت واحد ولا اتنين ؟

      1. انا شخصيا مبزعلش من كلامك والله وبثق فيك جدا ولكن انا لاحظت ان ويندوز 10 اقوي في حاجات كتير خاصة في تشغيل العاب مكانتش بتشتغل علي 7
        ولكن لو تنصحني بالعوده ل ويندوز 7 قول
        وبخصوص الكارت انا بقصد الكارت الخارجي والجهاز عموما هو اوريجينال hp
        متوسط الامكانيات اعتقد مفيش غير الكارت الخارجي اللي انا مشغله بس والمدمج في البورده غالبا حاجه اي كلام

  13. السلام عليكم يا اخي وسامحني علي الازعاج و لكن يا اخي القسم 11 و 12 اسمها مختلف وهو DrPk_17.3.1_Offline.part12 ويوجد بداخلهم ملف ايزو بينما الاقسام الاخرئ بها ملفات عادية – وهل استطيع استعمال ملف تعديل اللغة الخاص بالاصدار 17.1  للنسخة 17.3 لانه فيها نفس المشكل وشكرا جزيلا

    1. كلامك سليم بس ياريت تركز معايا عشان موقع الرفع خربلي الدنيا كدا اللي انت حملتو كان الاصدار 17.1 مش 17.3 الموقع بدل الملفات اللي يخرب بيوتهم رد تاني عليا دلوقت وعرفني الاجزاء الاغلبيه فيها ايه
      DrPk_17.3.1_Offline ولا DRP17-mrelhlawany.com عشان اديك باقي الروابط مباشرة وعسي ان تكرهو شئ وهو خيرا لكم لان الاصدار الاول افضل لو انت الغالب عندكDRP17-mrelhlawany.com
      هتحمل كمان الملفين دول كمالتهم
      الجزء 10
      http://3rbup.com/ad41c22d4b627a19
      الجزء 11
      http://3rbup.com/0ab4a15bf5c92a8d
      مفيش 12 هما هيبقم 11 بس

        1. تمام حبيبي انا حطيتلك رابط الملف الباقي واقبل اسفي والله مش مني من موقع الرفع الزفت اللي بدلي الروابط وعموما هتلاقي الروابط فالتعليق السابق وانا عدلت تاني الروابط ال 12 اللي فاخر مقال وكويس انك حملت الاولي

      1. لأ معلهش فى مركز العرب الجزء 11 ـ 12 اسماؤهم مختلفة عن باقى الأجزاء وده بيسبب عدم اكتمال فك الضغط وبيعمل خطأ وياريت تراجعهم تانى هتشوف بنفسك إن الجزء 11 اسمه (DrPk_17.3.1_Offline.part11.rar) والجزء 12 اسمه (DrPk_17.3.1_Offline.part12.rar) أما أسماء باقى الأجزاء (DRP17-mrelhlawany.com.part09.rar) طبعا مع اختلاف رقم كل جزء

        1. كلامك سليم بس ياريت تركز معايا عشان موقع الرفع خربلي الدنيا كدا اللي انت حملتو كان الاصدار 17.1 مش 17.3 الموقع بدل الملفات اللي يخرب بيوتهم رد تاني عليا دلوقت وعرفني الاجزاء الاغلبيه فيها ايه
          DrPk_17.3.1_Offline ولا DRP17-mrelhlawany.com عشان اديك باقي الروابط مباشرة وعسي ان تكرهو شئ وهو خيرا لكم لان الاصدار الاول افضل لو انت الغالب عندكDRP17-mrelhlawany.com
          هتحمل كمان الملفين دول كمالتهم
          الجزء 10
          http://3rbup.com/ad41c22d4b627a19
          الجزء 11
          http://3rbup.com/0ab4a15bf5c92a8d
          مفيش 12 هما هيبقم 11 بس

        2. انا آسف على الازعاج بس ممكن استفسار منك هو فى فرق بين الإصدارين بمعنى إن الإصدار 17.3 فيه اى مميزات عن الإصدار 17.1

        3. والله من تجربتي الاصدار 17.1 اكثر استقرار هما بصراحه فالاصدار 17 كلو عكو الدنيا وفي مشاكل فالاسطوانه اما فاللغه او في قرائه بينات الاجهزه خليك سام درايف الاخير افضل لحد مايحلو مشاكلهم

        4. أشكرك على سعة صدرك وجزيل الشكر للمعلومة لأن بصراحة فى ناس كتير على رأى حضرتك كله عندهم (بلح) مفيش استفادة فعلية

  16. استاذ باسم اول مره اتشرف بالتعليق علي موقعك
    لو سمحت انا حملت DriverPack 17.3.1 من رابط واحد وتم تحميلها والحمد لله
    وبعد فك الضغط ظهرت كملف ايزو وقمت بحرقها كما وضحت حضرتك بالحرف
    وبعد فتحها وجدت ان تعريف كارت الشاشه يوجد له تحديثات جديده ولكن عندما اضغط update تبحث الاسطوانه قليلا ثم تاتي رساله بالانتهاء دون التحديث ويطلب اعادة المحاوله وهذا هو نص الرساله

    could not install drivers-please try running the installation again

    finish
    وقمت بتجربة جميع الاصدارات الاحدث لكارت الشاشه واللتي هي متوفره بالاسطوانه ولكن بلا جدوي
    ارجو الافاده وشكرا لسعة صدرك لاحبائك اللذين اشرف ان اكون منهم
    وشكرا

    1. حرقتها ازاي انا فالدرس قولت مش بتتحرق والله ومش محتاج تحرقها لكن بخصوص الرساله عايزك تبقي عارف ان الاسطوانة دي من موقعها الرسمي اليك انا مش بعدل فيها ولا في ملفاتها باي شكل من الاشكال فتوفر او عدم توفر تعريف ده طبعا مش هيكون زنبي لكن هقولك محاوله انقل الايزو الي اي برتيشن اخر غير c وكليك يمين عليها وفك ضغطها وجرب تسعملها مباشرا بعد فك الضغط

      1. اشكر حضرتك عالرد وانا مقصدش الحرق ولكن لما حملتها ظهرت كملف ايزو وانا استخدمتها كما شرحت حضرتك وبدون فك ضغط
        وللتوضيح التعريفات متوفره ولكن رسالة الخطأ عند تثبيتها تفيد بإعادة المحاوله
        وارجو من حضرتك اذا ممكن تتيح لنا ارفاق صور مع التعليق وذلك قد يفيد كثيرا في ايضاح الامور وهذا سيكون مرحب به لدي الجميع ويسهل الكثير في التفاهم والسرعه في ايجاد الحلول وشكرا لحضرتك علي اي حال
        احبك اخي واتشرف بمتابعتك من زمان وتحيه وتقدير علي ما تقدمه دائما لنا
        وتستق ثقة الجميع وفقق الله لما تحب وجعل النجاح حليفك دائما

        1. تقصد تضع صوره برفعها علي اي موقع رفع ووضع الرابط لكن المشكله اللي عندك انا عارفها هو تقدير خاطئ من الاسطوانه لوجود تحديث هو مش موجود بالفعل او عدم متوافق مع جهازك وده اللي بيخليه بيتمنع من التثبيت

  17. باسم بك قمت بعمل اب دايت لكارت الصوت بالدرايفرباك الاصدار الاخير رغم ان الصوت كان شغال كويس لما عملت له اب دايت بالاصدار 14 وسيادتك اشرت انه لاداعى لذلك مادام الصوت شغال كويس ولكن ده اللى حصل فوجئت بعد كده ان الصوت مش شغال وبعدهاالويندوز مش عاوز يقوم وبنظهر شاشه سوداءورساله بتقول ريبوت اند انسرت بوت ميديا ولما دخلت بالمينى ويندوز 7من الهايرنز فوجئت ان الهارد مش ظاهر قمت بتبديل الكابلات مره الهارد يظهر ومره لا وبدات تظهر رساله بعد التشعيل بتقول هارد س م ا ر ت كوماند فيلد وتحتها كابل ايرور قمت بتغيير الكابلات تانى وتنزيل ايمدج واخدها من نفس الجهاز من شهرين اشتغل الجهاز مره والمره التانيه اخر فى الفتح عملت ريستارت ظهرت شاشه زرقاء ثم رساله انسرت بوت ميديا تانى طفيت الجهاز وبعد ساعتين اشتغل عادى مع الوضع فى الاعتبار ان الدى فى دى لما باحاول افتحه يفتح ويرجع الدرج للداخل من تلقاء نفسه بعدها الجهاز يهنج وتتوقف الشاشه فهل ده له علاقه بالموضوع الاول ام المشكله فى الهارد ام الكابلات ام الباور سبلاى اسف يا اخى للاسهاب ورجاء الرد اخيك/ايهاب لويز

    1. طيب انا نبهت علي خطورة التعريفات وشكلك نزلت تحديث للبايوس هو اللي عمل المشكلة الكبيره دي والله انا ما اقدر اساعدك لان الجهاز مش قدامي لكن مبدائيا شيل بطاريه البورده لمده 10 دقايق وركبها تاني وحاول تعمل ربيبير او ريستور للويندوز ولو مفيش مجال هتغير ويندوز وامرك لله

    2. ياباسم باشا لو الموضوع ويندوز جديد يحصل اللى اشرت اليه لسيادتك فى الرساله السابقه يعنى الهارد لما اشرت انه مش ظاهر مقصدتش ان الويندوز مش فاتح لا ده الهارد من البيوس او البوت مينيو موش ظاهر اساسا معلش انا اسف انى طولت على سيادتك

  18. استاذ باسم الف شكر على المجهود الاكثرمن رائع هناك خطىء مع احترامى لك فى رفع بيانات البرنامج على موقع مركز العرب الملف: DRP17-mrelhlawany.com.part11 .rar
    حجم: 585.16 MB المفروض 1 جيجا وعلى موقع الخليج الجديد الروابط مختلفه فى الاسم DrPk_17.3.1_Offline.part11.rar طيب انا لو حملت الملف رقم 11 وغيرت الاسم هل فى مشكله برجاء الرد وشكرا

        2. دى هتشتغل بدون نت علشان انا لما بسطب الوىندوز عندى بعض الوىندوز مش بلىشغل النت فببقا محتاج تعرىفات نت وانا off line

        3. يا سيدي الفاضل دي اسطوانه اوفلاين لابتحتاج نت ولاغيرو هي بتنزلك تعريفاتك منها هتحمل اسطوانه بالحجم ده ولسه هتحتاج نت للتعريف

  20. السلام عليكم/ شكرا شكرا شكرا علي هذا المجهود بصراحة اتعلمت كتير جدا و استفدت من الموقع في مجال عملي جدا ولكن هناك مشكلة في اسطوانةDriverPack 17.3.1 Full بعد تحميلها ظهرت com.و ليست rar. ولذلك لم استطيع فكها

    1. حبيبي النسخه داخل ملف مضغوط كليك يمين وفك ضغطها بالونرار انت اصلا مش عامل اظهار لامتدادات الملفات ولو افترضت فرض جدلي ان النسخه بعداظهار الامتدادات مظهرش rar وده طبعا صعبه تحصل لكن مش هتعمل مشكله هتتفضل تعمل ااعاده تسميه للنسخه وتضع اخر الاسم rer.

  22. أستاذ باسم أشكرك لرفع ماهوجديد ومفيد لجميع المستخدمين ولكني بعد أن قمت بتحميل اسطوانة جميع التعريفات وقمت بفك ضغط 12 عنصر وجدت مساحتها10.7جيجا وليست هذه هي القضية ولكن حين أقوم بفتحها من ملف التشغيل الخاص بها إذا بنافذة بيضاء تفتح وفقط لا شئ آخر فما الحل؟

    1. انت متاكد انك حملت كل الملفات ؟ ومتاكد انك فكيت ضغطها كلها ؟ اللي بالحجم ده النسخه 17.1 ثانيا ياريت تعمل ايقاف لبرنامج الحمايه وتجرب تشغلها ولو هي ناقصه اي ملفات هحاول اكملهالك دي مش مشكلة بس نعرف الاول الصفحه بيضاء معناها ناقصك ملفات في ملف ال bin او ناقصك نت فريم ورك لتشغيل الاسطوانة خليني اتابعك ونحلها

        1. للاسف الرابط شغال كنت اتمني العيب من الرابط كنت هرفعها تاني معنديش مشكله فالرفع لكن المشكله من عندك وبما انك اكس بي وده اكيد اكس بي عندك مشكله بتمنع التحميل وغالبا جدار الجمايه ودي مشكله منتشره في اكس بي هحاول ارفعهالك علي قسمين لو معرفتش تحملها

        2. انا بعتزر لحضرتك .. انا حتى حاولت احمل الـ 12 جزء .. ولكن للاسف فى الجزء الخامس حصلت توقف وخطأ فى التحميل .. وممكن يكون العيب من الويندوز زى ما حضرتك قولت
          لو فى امكانية تحميل اخرى اكون شاكر لزوقك .. وانا اسف على تعبك

        3. معلهش بهدوء انت لما حملت الجزء 5 انا رافع نفس الاجزاء علي 3 مواقع بيديك خطاء علي 3 مواقع ؟ حرام تحمل كل ده علي الفاضي تواصل عشان افهم يمكن نحلها

        5. طيب معلهش استكمل تحميلو في وقت اخر او حمل نفس الجزء من اي موقع اخر من 3 مواقع هما احيانا بيحجمو التحميل عموما الاجزاء نفسها هي المرفوعه مش مغير فيها

  24. السلام عليكم عم باسم انت كاتب لنا

    التحميل : مباشر رابط واحد ومقسم وتورنت اختر ماناسبك

    وانا مش عارف التورنت هذا وطلبت منك سابق لوعندك درس في التورنت وقلت انك بتسوي درس
    وانا على احر من الجمر منتظر هذا الدرس
    اكيد انت مشغول بس حبيت اذكرك بالموضوع وشكرا

        3. استاذ باسم انا حملت ويندوز
          8.1_Ent_EN-US_Vl_x64
          من موقع حضرتك وكمان ثبت كل اصدارات النت فريم ورك وبرضو نفس المشكله مستمره عندى وهى توقف البرنامج
          اتمنى لو حضرتك اى اقتراح او لو حضرتك فاضى تدخلى تيم فيور لانى مش عارف احلها خالص

        4. احمد لو هتربط المشكله بان النسخه من موقعي هقولك ولايهمك واتفضل حمل نسخه من اي مكان وهتنحل المشكله اعتقد ده حل وياريت تقولي رامات جهازك كام

        5. راماتى 4 جيجا والنسخه بجربها على ويندوز 7 بتشتغل على ويندوز 8.1 مش بتشتغل وانا مش بكتب كده عشان حضرتك تقولى حمل من مكان تانى حضرتك محل ثقه بس انا قلت اوضح عشان لو فيه ملفات ناقصه مش اكتر

        6. عارف ياحمد المشكله اني بتعامل مع الالاف التعليقات واغلب الناس للاسف دايما بيرمي مشكلتو عليا ويحطني سبب فيها فطبيعي هقولك حمل من مكان تاني لان كلامو بيكون غير صحيح دي نسخه من موقع رسمي مليش تدخل فيها لكن اللي بقدر اعملو هو انا بحمل واختبر قبل مارفع ونزلها ليكم ومحدش حاسس اني بحمل شهريا مئات الجيجا بايت عشان منزلش حاجه بدون فحصها لو جربت الاسطوانة علي اي جهاز هتلاقيها شغاله الله بقي اعلم انت ممكن ناقصك ملفات في الويندوز بتمنع اسكربت الاسكوانة من الشغل اعمل تحديث للويندوز ممكن التحديث يحللك المشكله

  26. أستاذ باسم/ انا لسه منزل ويندوز 10 جديد …ونزلت البرنامج عادى واشتغل تمام وجابلى تعريفات الجهاز كلها ….وبعدين ثبتها بالطريقة اللى حضرتك موضحها فى الفيديو …. ولكن اكتشفت بعد ما خلص تثبيت ان كارت الشاشة الداخلى والخارجى وكات الدولبى والبلوتوث متعرفوش ومش شغالين … ايه الحل لتعريفهم… ولكم جزيل الشكر

    1. وارد يكون التعريفات مش موجوده فالاسطوانة مش قانون ان الاسطوانة تعرف كل الاجهزه لكل اصدارات ويندوز لكن اوعدك الموقع الرسمي لجهازك مش هتلاقيه موفرلك التعريفات دي بردو
      الحل انك تعمل بحث فالانترنت باسم الحاسوب واسم الجزء المراد تعريفه ونوع الويندوز والنواه والحظر اثناء التثبيت

        1. ممكن تركز لحظه معايا لاني والله اليومين اللي فاتو كنت علي سفر وشايف ليك اكتر من تعليق فهرد في تعليق واحد
          اولا مفيش شرط ان اي جهاز لازم يتعرف باسطوانة التعريفات لان وارد ان اصلا يكون كارت الشاشه او اي حاجه من اللي متعرفتش ملهاش تعريف متوافق مع ويندوز10 فعليا خصوصا لم بيكون اصدار الاب قبل اصدار ويندوز10 بفتره كبيره دي اللوم فيها علي موقعين اولا موقع الاب الرسمي لازم يوفرلك التعريف الموقع الثاني موقع القطعه نفسها زي نفيديا الاسطوانة بتجيب التعريف من موقع من اللتنين مش بيعملوها بنفسهم هما فقط بيعمل دمج للتعريفات عشان بقي متتعبش نفسك تدور في الموقعين اولا ومتحملش اي اسطوانات تاني لان الاسطوانه فيها اخر التحديثات وركز ممكن تحمل اسطوانة قديمه تلاقي فيها التعريف لكن هيعمل مشكله لانو مش هيتعامل مع ويندوز 10 هيتعامل وقتها مع التعريف الناقص دون النظر للتوافق

  27. السلام عليكم اخي الكريم باسم
    انا طلعت معي مشكله انه الملف مضروب الجزء رقم 9 … لمن فتحت الملف مالقيت ملف الISO زي بقية الاجزاء ارجوا انك تتأكد من رفعك للملف .. لاني الان جالس احمله مرة ثانية

    1. انا دورت في 7 الالاف تعليق عشان اشوف سؤالك وماليقت ليك تعليقات بكل الموقع غير تعليق غير ده وسؤال بخصوص اسطوانة التعريفات وكنت رديت فعلا عليه وهرد تاني الفرق في ان الاسطوانة الجديده بتدعم التعريفات اللي تشتغل لويندوز10 وتحديثاتها

  31. بصراحه روعه. انا اتعلمت من حضرتك كتير كل الشكر والتقدير … اخوك محمد المصرى من الهرم 25 سنه ., ومتابعك من زمان وبحبك فى الله اخى انا حملت الاسطوانه بفضل الله ليل ونهار بحمل فيها ههههه وعندى صدار قديم حجمه 5 جيجا بس كنت عاوز اعرف ايه الفرق بين دى ودى والحاجه التانيه نفسى ابقى محترف زيك ربنا يكرمك . يعنى دلنى على الخير ابتدى بدورات ايه فى السوقت وير والهارد وير منتظرك اخى الحبيب

  32. للأسف اخوي باسم جربت البرنامج ولكنه لم يحل مشكلتي ومتابعه اني بتعبئة معايا
    وبعد عشرات المحاولات والبحث والتحميل والمسح حصلت برنامج وحل مشكله الويب كام موجود فيه بس المشكله انو مش مجاني اسمة Driver Talent ومعرفش احلها ازاي
    فضلا وليس أمرا لو تقدر تفعل البرنامج الي ذكرت اسمه واكون شاكرة لك طوال حياتي ربنا يبارك فيك .
    منتظرة ردك اخوي

      1. انا حملت البرنامج وعمل بحث ولما خلص شفت في خانه الAdvanced
        Peripheral Drivers اسم الunknown onbekend usb apparaat
        هو نفسو الي معطلي الويب كام
        مش في الدرايفر
        ولما اعمل ريبرير يقولي لزم اعمل اكتيف للبرنامج
        وشفت كمان في اليوتيوب كثيير انو بيحل المشاكل هذه

        3. عندك حق اخوي باسم انا حصلت التفعيل حق البرنامج driver Talent وأصبحت برو كمان بس المشكله بيجلس يلف على ريبرير ومبيحلهاش مش عارفة ليش

        4. والله عارف يا لارا طيب معلهش حاولي تكمليني مباشرا علي الفيس لان المشكله دي ممكن تكون من حاجه غير موضوع التعريف fb.com/basemelhlawany

  33. السلام عليكم اخي الكريم
    انا رقيت الويندوز الى 10 وماشي معي تمام
    اليوم فجأة معلق على ابدأ اقصد اللي فيها ايقونات البدء
    يعني رافض يطلع سطح المكتب
    معليش السؤال خارج الموضوع .

  34. استاذ باسم … اولا انا بشكر حضرتك جدا ع مجهودك
    ثانيا .. انا عندي مشكلة
    انا فضلت 3 ايام بحمل DriverPack 17.3.1 الاسطونة دي من اللينك المباشر اللي حضرتك حطه ..
    وفي الاخر ظهرلي اكنمل التحميل 100% عندي وظهر ملف مضغوط حجمه 11.36 جيجا .
    جيت افك الضغك ب 7_zip او Win RAR اخر اصدار بيظهر رسالة خطأ في النص .
    ….
    أفدني أعمل ايه جزاك الله خيرا ..

    1. اولا اخي الكريم ركز فاللي هقوله انا برفع الملف في 3 دقايق وبحملو في 3 دقايق وبالتالي بختبر التحميل وفك الضغط قبل النشر وقبل مارد عليك اختبرتو تاني وشغال مفهوش مشكله لكن الاسباب اللي ممكن تعمل مشكله عندك هي كالتالي :
      1 – انت محتاج مساحه فارغه اكثر من حجم الملف علي القرص اللي بتفك فيه الضغط فلو مش متوفره مش هيفك
      2- انقل الملف الي اي برتيشن اخر وفك الضغط عنو وان شاء الله هتحل المشكله وانا علي اتم استعدادا اني اوريك مباشرا واخليك تحمل وتفك الضغط بنفسك وبايدك

  37. السلام عليكم ورحمة الله وبركاته جزاك الله خيرا استاذ باسم الى مزيد من التقدم والنجاح والاستمرار شروحات غاية في الروعة لدي بعض الاسئلة عن التعريفات في حال الشخص مثلا فقد سيديهات التعريف التي تاتي مع القطع هل تثبيت التعريفات من الاسطوانة وان كانت باحدث اصدار ممكن تسبب مشاكل عدم توافق وبالنسلة لتحديث التعريفات بعض البرامج قد لاتعمل بشكل صحيح وخصوصا في الاصدارات الحديثة تحتاج لتحديث كرت الشاشة او ممكن بعض الالعاب تحتاج تحديث لكرت الشاشة فهل نقوم بتحديث التعريف لكرت الشاشة وبالنسبة لكرت الشبكة انا الانترنت بيفصل عندي وبيرجع في اشارة خضراء على شكل الكرة الارضية بتروح وبترجع احيانا وهذه تشير للانترنت بس المشكلة بتكون من المقاسم الاتصالات بسورية وممكن تروح وترجع بعد فترة لما نتصل بمزود الخدمة بيئولنا في مشكلة وجاري حلها هل يفيد تحديث التعريف لكرت الشبكة في هذه الحالة

    1. مشكله الانترنت عندك مش سببها تعريف سببها زي انت ماتفضلت المصدر اسطوانة التعريفات تقدر تعرفلك كل حاجه لكن انت عليك دور وهو انك تعرف اي تعريف بيتحدث او بيتثبت وازاي تتعامل معاه خصوصا فالتحديثات لكن فالاجمال هي بتفي بالغرض

  38. السلام عليكم أستاذ باسم
    أنا لقيت حل لمشكلتي وهي عند أيقاف التشغيل يقوم الجهاز بالدخول في وضع الأسبات …المطلوب أدخال هذا الأمر
    powercfg.exe /hibernate off والحمد للة نجحت الطريقة. بس أتا حابب أشكر حضرتك على كل حاجة بتقدمها لينا وربنا يشهد كم أنا أستفدت من حضرتك حاجات كثير والله ماكنتش أعرف عنها أي حاجة
    تفبُل خالص تحياتي وأمتناني

  39. الاخ الفاضل الجميل استاذ الاساتذه المبدع والمتألق دائما باسم بك الحلوانى اتقدم لسيادتكم بخالص شكرى وعميق امتنانى على المجهود الرائع والشرح المبسط الاكثر من ممتاز والمتجدد دائما ومهما تحدثت لن اوفيك حقك وفقكم الله وسدد خطاكم —–اخيكم/عميد ايهاب لويز حبيب

  41. بسم الله الرحمن الرحيم
    كل الشكر والتقدير الى الاستاذ باسم الحلواني وكل القائمين على هذا الموقع الجميل والذي اعتبره من افضل المواقع حيث استفت كثيرا من الشروحات حيث اننى كنت لااعرف شيء عن الكمبيوتر غير انى اعرف اشغله فقد استفت كثيرا جدا من هذا الموقع كما اريد من سيادتكم عمل دوره شامله مكونه من عدة دروس يتم الشرح فيها من أول ما اشترى هارد دسك كيف اركبه وكيف اقسمه وكيف افرد نسخة وبرامج وتعريفات وكل ما يخص هذا الموضوع من برامج ولكم جزيل الشكر وكل التقدير وربنا يوفقكم لرفع مستوى الشعب العربي وشكرا

  42. استاذ باسم كيف حالك عسى ان تكون بخير
    اتمنى ان تعمل دورة حماية شاملة وحماية الفيس والايميل وفحص البرامج الملغمة
    ان بتزكر انك كنت عامل دورة مميزة في القناة القديمة بتعت حظرتك
    ولاكن للاسف عند اغلاق القناة راحت تلك الدورة
    ياريت استاذ باسم لان في ناس برغم انهم محملين الانتي فايروس وجدار الحماية ولاكن عندهم جهل في الحماية
    فيكونو فريسة سهله
    ربنا يحميك ويخليك لناا
    تحياتي

    1. والله زي ماقولت كنت عاملها ولما اتقفلت القناه معملتهاش تاني للاسباب الاتيه 1 الدوره بتشوفها في ساعه بالكتير انا باخد فيها ايام لاني بحاول اقول كل حاجه بس الوقت بيزيد برجع اعيد لما بهلك ان شاء الله هعملها تاني بس الاقي وقت مناسب

  44. استاذ باسم يا ريت نسخه من ويندوز 8.1 بالنواتين 32 و 64 بيت في ملف iso واحد
    و الى ممكن اريد برنامج folder lock 7.5 بالتفعيل لاني لما افعله بسريال بيتفعل و لكن لما اعيد افتحه بيتطلب مني سريال جديد في كل مرة اريد حل لهذه المشكلة
    الصورة الاولى وهو مفعل: http://cdn.top4top.co/p_142xer1.jpg

    الصورة الثانية وهو بيطلب التفعيل : http://cdn.top4top.co/p_14ovfh1.jpg

    ولك منى الف تحية على المجهود الرائع التى تبذلة فى موقعك ليستفيد جميع اخواتك فى الوطن العربى

    1. موضوع تفعيل الفولد لوك انا مصدقكك فيه بس تتحملني هنزل حلها في فيديو لانك هتفعلي بنفس السريال بس هنستعمل طريقه تاني عشان يفضل مفعل اتفنا وبخصوص النسخه 8.1 لو ملقتهاش في قسم 8.1 عيوني ارفعهالك بس شوف القسم

  45. السلام عليكم اخي باسم
    عندي مشكله في الويب كام م جوده بس مابتشتغلش ومش موجوده في مدير الاجهزه

    موجود فيuniversal serial bus-controllers
    لاني عندما اعمل تحديث الجهاز يطلع لي نافذه مكة ب عليها (لا يعمل الجهاز بطريقه صحيحه
    unknown usb device )device bescriptor request failed)
    رجعت الويندوز العدادات المصنع ولاكن لافائده
    حملت الاسطوانة الي فوق ولم يكون حل المشكلة من بينها
    ارجو ردك أخي بارك الله فيك

    1. حل مشكلتك في تعريف الويب كام وتحمليه من موقع الاب الرسمي ياريت لو مش عارفه اللي بقوله تديني مواصفات كامله نوع الاب والمودل نوع الويندوز المثبت ونوع النواه وانا اجبلك رابط التعريفات بتاعت الاب

        2. حملت ب نام driver updater ولكن عندما ينتهي من الفحص وعندما اضغط على update all يطلب مني التفعيل لأن البرنامج مش مجاني
          ولم آرى اسم الدرايفر حق الويب كام موجود من بين الذي فحصهن

  46. السلام عليكم أستاذ باسم
    عندي مشكلة وهي أنني حملت نسخة ويندوز 8.1 من الموقع الرسمي و النسخة تعمل بشكل جيد
    لكن المشكلة عند الضغط على أيقاف التشغيل تتحول حالة الجهاز ألى وضع الأسبات ….. وعند الضغط على أي زر في الكيبورد تظهر هذة الكتابة ( Resume from Hibernation) ومعناها ( الأستكمال من وضع الأسبات) والعجيب أنة عند فصل التيار الكهربائي عن الجهاز وأعادة توصيلة تظهر نفس الرسالة السابقة ويقوم بالأستكمال من وضع الأسبات .
    أرجو الأفادة مع خالص تحياتي لك أستاذ باسم

    1. اتمني ميكنش جهازك دل لان اغلب الاجهزه ظهرت عليها المشكله في حل ممكن يحلها بس للاسف مش عاملو اي شرح وهي تعديل في قيم الرجيستري لخاصية ايقاف التشغيل اتعب شويه وهتلاقي اكيد شرح ليها فاليوتيوب .
      اسمعني بقي فالاهم ويندوز8.1 غير جيد باي شكل من الاشكال ولو انت شايفو جيد لانك محتطهوش فاختبار فعلي لقياس مدي جودتة انا اعرفو كويس وانصحك لحل مشاكلك اما تستعمل ويندوز 8 -9200 او تستعمل ويندوز 10 لو جهاز يلبي متطلباتة واذا معرفتش توصل لحلتعديل االرجيستري عرفني اشوفلك انا اي شرح ليها واعدك اني هعمل شرح باكثر من طريقة لحل المشكله فاقرب وقت يسمحلي فيه وقتي

  48. معلشي ياحبيبي هتعبك معايا شويا فين قيمه البيوووس علي حسب ما اتذكر بالفديو انووووا اسمها بيوووس ودورت ولكني مش لاقيها وكارت الشاشه اسمه ايه والنسخه اللي عندي 17.1بعد وضع ملفات اللغه اصبحت 17.3 هل هي خدت الاسم بس ولا فعليا اصبخت 17.3 لك جزيل الشكر

    1. الاسم فقط ليش الاصدار وكنت منوه عليها بالفيديو لكن قصيتها عشان اوفر وقت الفيديو كان 35 دقيقه وضغطتو عشان مطولش عليكم وياريت توضح بتتكلم علي ايه بخوص البيوس انا قصدت في الفيديو علي بعض الاجهزه هيعطيهم ان في تحديثات تخص BIOS دي لازم يحظر منها لان اي غلط في تثبيتها هيعطل البورده

  50. استاذ باسم انا اعمل في مجال الصيانه بدرجه متوسط حاليا وهذا غير كافي ليا فحابب اتعمق اكتر في الصيانه ،
    وعاوز ابدا في التصميم وانتاج صفحات الويب فنصيحتك ليا اخي ومشكور علي كل مجهودك

    1. والله اخي الكريم لو مجال الصيانه مش كافي عندك طريقين اما انك تعتمد علي كورسات الانترنت في مواقع كتير بتقدمها او كورسات في شركات وفالاخر كلو هتصولو بالبحث فالانترنت في مصر للاسف مش هتلاقي منهج منظم للمواضيع دي واغلب اللي بيعملو صح هتلاقيهم غير مشهورين ومش هيدوك اي شهادات بس فعلا هتتعلم منهم كويس زي ايجي شيب في صيانه الهارد افضل ناس تتعلم معاهم

        1. البرامج كلها متختلفش كتير خصوصا الخدمية يعني عايز فك ضغط وبرامج صوت لكن طبعا برامج الماك تختلف فالامتداد عن برامج الويندوز

  53. Download File
    DrPk_17.3.1_Offline.part03.rar
    1000.0 MB (1048576000 bytes) Report abuse

    Downloaded
    2 times

    This file reached max downloads limit
    دى رساله بتظهر فى الجزء التالت ياريت لو حضرتك تراجع الجزء ده ولك التحيه و جزيل الشكر

  54. بارك الله فيك , كل شروحاتك إحترافية تبارك الله , لدي طلب من فضلك لو تضع لنا دورة كاملة حول الربح من اليوتيب وكيفية إنشاء المواقع و الإشتراك بأدسنس و كل ما يتعلق بهذا الأمر جزاك الله خيرا
    ولدي سؤال ثاني هو أنني أملك قناة على اليوتيب لفتاوى الشيخين ابن عثيمين وابن باز لكني أستعمل في إنشاء فيديوهاتي عن طريق وضع خلفية للفيديو عبارة عن صور للطبيعة ولا أعرف هل يشكل ذلك خطر على قناتي أم لا وهذه هي القناة
    https://www.youtube.com/channel/UCN7peSGJ2c15THBGJegcpcA

        1. بتنزل اكيد تحديثات وتعريفات وتوافقات مع اصدارات ويندوز الجديده زي 10 اللي عندك مش هتلاقي فيها كل تعريفات 10

        2. شكرا جداا يا استاذ باسم للتوضيع لان فيه مواقع كل شهر بتنزل نسخه وبيقولو ان فيها تحديثات اخر شهر وده كان قصدي لكن حضرتك وضحت انها باخر تحديث رسمي من الشركة لويندوز 7

  57. سلام عليكم….أزيكم يا حلوين…انا ᏔᎯ ᏞᎬᎬᎠ .. عينت نفسيييي عندكو وييييي أرجو إني أكون مبسوط معاكو….ههههههه
    أخيرا ياباسم قدرت أسجل……أخباركـ ايـ…..بحبك جدا ع فكرة……بسـ يا خسارة النت مشـ مساعد …..
    سؤال بالنسبة لتغيير أيقونة المجلد….البرامج هنا مش جيدة فـ تحويل الصورة..يعني انا جربت المواقع .. جودة الأيقونة كانت 10/10 أفضل م البرامج بكتير…لو برنامج بنفسـ جودة الموقع يكون أفضل أكيد………..*بالنسبة للطريقة فـ تغيير الأيقونة….مشـ كويسة بردو…لو غير موقع المجلد..شكل المجلد بيختفي ويرجع للشكل الافتراضي..ولو نقلته ع فلاشه أو على جهاز تاني بردو بيختفي……………
    أكيد فـ طريقة لتثبيت الشكل فـ اي مسار و ع أي جهاز أو أي ويندوز…..وإلا يبقى الموضوع زي قلته…لمجرد إن المسار يتغير.. المجلد يرجع لأصله…………
    أكيد فـ حل يا باســــــــــــم…..
    تقبل الهدية المتواضعة دي…………..
    http://upload.7hob.com/uploads/7hob.com135280619210.jpg
    تحياتي……₪Ξ_‗ـ▫♫‗=¨¯∂ωαℓєє ¯¨=‗♫▫ـ‗_Ξ₪

    1. انت بس مدي الموضوع اهميه زايدة لكن المسار موجود بالفعل بس علي جهازك مش هتاخد ملف تلف بيه الدنيا بنفس الايكونة ياوليد انا اللي يهمني جهازي وتقدر تثبت الايكونات وليها مسار بس وقت تعديل الموضوع اكتر بكتير من اني اضغك كليك يمين واغير الايكونة

  58. شكرا لك على مجهودك المشهود له وشروحاتك السلسة السهلة المفهومة للجميع واخلاقك النبيلة والتي دائما ما تحرص على الاهتمام بمتابعيك متابعي مدونتك وموقعك الرائع فردا فردا من خلال ردك ومدك يد العون للجميع دون استثناء ..
    استاذ باسم ارجوا من سيادتك ان تنزل لنا موضوع حول تحميل وتفعيل برنامج الحماية ِavira بأصداره
    avira internet security 2016 فهي موجود في الانترنيت ولكننا لا نثق الا بحضرتك. فهي موجودة في الموقع ولكن بدون تفعيل فأرجو من حضرتك ان تساعدني.

  59. السلام عليكم أستاذنا العزيز بارك الله فيك و جزيل الشكر و التقدير على الشرح الجميل والمبسط على فكره الوقت الذي أمضيه في استماعك ومتابعت دروسك مهما طالت فهي قصيره و غير مُمِلَه

  60. والله انا فرحت لما سمعت صوت حضرتك استاذ باسم وربنا يباركلك بس مش تغيب علينا كده وربنا يكون في العون
    واستاذن حضرتك انا بحب المجال ده ونفسي اتعمق فيه فتنصحني بايه استاذي ولك جزيل الشكر

        1. معلش ممكن اعرف ازاى اخد نسخه من التعريفات المثبته على الجهاز أو الموجود على الإسطوانه ومتوافقه مع جهازى زى الإصدارات القديمه من الإسطوانه

        3. لان عن تجربة الاصدار 7.3 بيديك تحديثات غير متوافقه اغلبها وتيجي تثبتها يقولك فشل التثبيت اوضح اكتر الفتره بين الاصداراين بسيطه ونزلت عشان تعالج مشكله اللغه وبردو محلتهاش كلها لو عايز تحمل اصبر لما تنزل 17.x فينال

  63. والله من غيرك مش عارف كنا عملنا ايه انا كنت زعلان لما قعدت فتره مش شايفك لانك علمتنى يعنى ايه كمبيوتر وحببتنى فيه من اسلوبك الرائع ف الشرح ..حمدلله بالسلامه وفرحتى برجوعك لا توصف ومتغبش تانى وربنا يحميك ويوفقك ان شاء الله اخوك ف الله عبدالرحمن

    1. انت بتطلب المستحيل اولا مايكروسوفت بطلت تصدر النسخه واي نسخه هتلاقي بيقولك عليها كدا اعرف انو اما بيكدب او لاعب ومعدل فيها بالتالي الاكيد هتكون نسخ من 2014 بس معدلة لكن اقدر انزل نسخ مجمعة مفهاش مشاكل بس مضمنش تحديثات اي شهر

اترك تعليقاً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى